Leningrad Codex TEI (v1.1.0)

Folio 117A (recto)

Deut 29:19 – Deut 30:10

Leningrad Codex TEI · v1.1.0 · folio 117A (recto) · Deut 29:19 – Deut 30:10

← 117B116B →
Raw TEI XML View Facsimile

Report an issue

Best viewed on larger screens

Column 1

1
Deut 29:19

אָ֠ז יֶעְשַׁ֨ן אַף־ יְהוָ֤ה וְקִנְאָתוֹ֙

2

בָּאִ֣ישׁ הַה֔וּא וְרָ֤בְצָה־ בּוֹ֙ כָּל־

3

הָ֣אָלָ֔ה הַכְּתוּבָ֖ה בַּסֵּ֣פֶר הַזֶּ֑ה

4

וּמָחָ֤ה יְהוָה֙ אֶת־ שְׁמ֔וֹ

5
Deut 29:20

מִתַּ֖חַת הַשָּׁמָֽיִם ׃ וְהִבְדִּיל֤וֹ

6

יְהוָה֙ לְרָעָ֔ה מִכֹּ֖ל שִׁבְטֵ֣י

7

יִשְׂרָאֵ֑ל כְּכֹל֙ אָל֣וֹת הַבְּרִ֔ית

8

הַכְּתוּבָ֕ה בְּסֵ֥פֶר הַתּוֹרָ֖ה

9
Deut 29:21

הַזֶּֽה ׃ וְאָמַ֞ר הַדּ֣וֹר הֽ͏ָאַחֲר֗וֹן

10

בְּנֵיכֶם֙ אֲשֶׁ֤ר יָק֙וּמוּ֙ מֵאַ֣חֲרֵיכֶ֔ם

11

וְהַ֨נָּכְרִ֔י אֲשֶׁ֥ר יָבֹ֖א מֵאֶ֣רֶץ

12

רְחוֹקָ֑ה וְ֠רָאוּ אֶת־ מַכּ֞וֹת

13

הָאָ֤רֶץ הַהִוא֙ וְאֶת־ תַּ֣חֲלֻאֶ֔יהָ

14
Deut 29:22

אֲשֶׁר־ חִלָּ֥ה יְהוָ֖ה בָּֽהּ ׃ גָּפְרִ֣ית

15

וָמֶלַח֮ שְׂרֵפָ֣ה כָל־ אַרְצָהּ֒ לֹ֤א

16

תִזָּרַע֙ וְלֹ֣א תַצְמִ֔חַ וְלֹֽא־ יַעֲלֶ֥ה

17

בָ֖הּ כָּל־ עֵ֑שֶׂב כְּֽמַהְפֵּכַ֞ת סְדֹ֤ם

18

וַעֲמֹרָה֙ אַדְמָ֣ה וצביים

19

אֲשֶׁר֙ הָפַ֣ךְ יְהוָ֔ה בְּאַפּ֖וֹ

20
Deut 29:23

וּבַחֲמָתֽוֹ ׃ וְאָֽמְרוּ֙ כָּל־ הַגּוֹיִ֔ם

21

עַל־ מֶ֨ה עָשָׂ֧ה יְהוָ֛ה כָּ֖כָה

22

לָאָ֣רֶץ הַזֹּ֑את מֶ֥ה חֳרִ֛י הָאַ֥ף

23
Deut 29:24

הַגָּד֖וֹל הַזֶּֽה ׃ וְאָ֣מְר֔וּ עַ֚ל

24

אֲשֶׁ֣ר עָֽזְב֔וּ אֶת־ בְּרִ֥ית יְהוָ֖ה

25

אֱלֹהֵ֣י אֲבֹתָ֑ם אֲשֶׁר֙ כָּרַ֣ת

26

עִמָּ֔ם בְּהוֹצִיא֥וֹ אֹתָ֖ם מֵאֶ֥רֶץ

27
Deut 29:25

מִצְרָֽיִם ׃ וַיֵּלְכ֗וּ וַיַּֽעַבְדוּ֙

Column 2

1

אֱלֹהִ֣ים אֲחֵרִ֔ים וַיִּֽשְׁתַּחֲוּ֖וּ

2

לָהֶ֑ם אֱלֹהִים֙ אֲשֶׁ֣ר לֹֽא־

3

יְדָע֔וּם וְלֹ֥א חָלַ֖ק לָהֶֽם ׃

4
Deut 29:26

וַיִּֽחַר־ אַ֥ף יְהוָ֖ה בָּאָ֣רֶץ

5

הַהִ֑וא לְהָבִ֤יא עָלֶ֙יהָ֙ אֶת־ כָּל־

6

הַקְּלָלָ֔ה הַכְּתוּבָ֖ה בַּסֵּ֥פֶר

7
Deut 29:27

הַזֶּֽה ׃ וַיִּתְּשֵׁ֤ם יְהוָה֙ מֵעַ֣ל

8

אַדְמָתָ֔ם בְּאַ֥ף וּבְחֵמָ֖ה

9

וּבְקֶ֣צֶף גָּד֑וֹל וַיַּשְׁלִכֵ֛ם אֶל־

10

אֶ֥רֶץ אַחֶ֖רֶת כַּיּ֥וֹם הַזֶּֽה ׃

11
Deut 29:28

הַ֨נִּסְתָּרֹ֔ת לַיהוָ֖ה אֱלֹהֵ֑ינוּ

12

וְהַנִּגְלֹ֞ת לָ֤ׄנׄוּׄ וּׄלְׄבָׄנֵׄ֙יׄנׄוּׄ֙ עַד־ עוֹלָ֔ם

13

לַעֲשׂ֕וֹת אֶת־ כָּל־ דִּבְרֵ֖י

14

הַתּוֹרָ֥ה הַזֹּֽאת ׃ס

15
Deut 30:1

וְהָיָה֩ כִֽי־ יָבֹ֨אוּ עָלֶ֜יךָ

16

כָּל־ הַדְּבָרִ֣ים הָאֵ֗לֶּה הַבְּרָכָה֙

17

וְהַקְּלָלָ֔ה אֲשֶׁ֥ר נָתַ֖תִּי לְפָנֶ֑יךָ

18

וַהֲשֵׁבֹתָ֙ אֶל־ לְבָבֶ֔ךָ בְּכָל־

19

הַגּוֹיִ֔ם אֲשֶׁ֧ר הִדִּיחֲךָ֛ יְהוָ֥ה

20
Deut 30:2

אֱלֹהֶ֖יךָ שָֽׁמָּה ׃ וְשַׁבְתָּ֞ עַד־

21

יְהוָ֤ה אֱלֹהֶ֙יךָ֙ וְשָׁמַעְתָּ֣ בְקֹל֔וֹ

22

כְּכֹ֛ל אֲשֶׁר־ אָנֹכִ֥י מְצַוְּךָ֖ הַיּ֑וֹם

23

אַתָּ֣ה וּבָנֶ֔יךָ בְּכָל־ לְבָבְךָ֖ וּבְכָל־

24
Deut 30:3

נַפְשֶֽׁךָ ׃ וְשָׁ֨ב יְהוָ֧ה אֱלֹהֶ֛יךָ

25

אֶת־ שְׁבוּתְךָ֖ וְרִחֲמֶ֑ךָ וְשָׁ֗ב

26

וְקִבֶּצְךָ֙ מִכָּל־ הָ֣עַמִּ֔ים

27

אֲשֶׁ֧ר הֱפִֽיצְךָ֛ יְהוָ֥ה אֱלֹהֶ֖יךָ

Column 3

1
Deut 30:4

שָֽׁמָּה ׃ אִם־ יִהְיֶ֥ה נִֽדַּחֲךָ֖

2

בִּקְצֵ֣ה הַשָּׁמָ֑יִם מִשָּׁ֗ם

3

יְקַבֶּצְךָ֙ יְהוָ֣ה אֱלֹהֶ֔יךָ

4
Deut 30:5

וּמִשָּׁ֖ם יִקָּחֶֽךָ ׃ וֶהֱבִֽיאֲךָ֞ יְהוָ֣ה

5

אֱלֹהֶ֗יךָ אֶל־ הָאָ֛רֶץ אֲשֶׁר־

6

יָרְשׁ֥וּ אֲבֹתֶ֖יךָ וִֽירִשְׁתָּ֑הּ

7

וְהֵיטִֽבְךָ֥ וְהִרְבְּךָ֖ מֵאֲבֹתֶֽיךָ ׃

8
Deut 30:6

וּמָ֨ל יְהוָ֧ה אֱלֹהֶ֛יךָ אֶת־ לְבָבְךָ֖

9

וְאֶת־ לְבַ֣ב זַרְעֶ֑ךָ לְאַהֲבָ֞ה

10

אֶת־ יְהוָ֧ה אֱלֹהֶ֛יךָ בְּכָל־

11

לְבָבְךָ֥ וּבְכָל־ נַפְשְׁךָ֖ לְמַ֥עַן

12
Deut 30:7

חַיֶּֽיךָ ׃ וְנָתַן֙ יְהוָ֣ה אֱלֹהֶ֔יךָ אֵ֥ת

13

כָּל־ הָאָל֖וֹת הָאֵ֑לֶּה עַל־ אֹיְבֶ֥יךָ

14

וְעַל־ שֹׂנְאֶ֖יךָ אֲשֶׁ֥ר רְדָפֽוּךָ ׃

15
Deut 30:8

וְאַתָּ֣ה תָשׁ֔וּב וְשָׁמַעְתָּ֖ בְּק֣וֹל

16

יְהוָ֑ה וְעָשִׂ֙יתָ֙ אֶת־ כָּל־ מִצְוֺתָ֔יו

17

אֲשֶׁ֛ר אָנֹכִ֥י מְצַוְּךָ֖ הַיּֽוֹם ׃

18
Deut 30:9

וְהוֹתִֽירְךָ֩ יְהוָ֨ה אֱלֹהֶ֜יךָ בְּכֹ֣ל ׀

19

מַעֲשֵׂ֣ה יָדֶ֗ךָ בִּפְרִ֨י בִטְנְךָ֜

20

וּבִפְרִ֧י בְהֶמְתְּךָ֛ וּבִפְרִ֥י

21

אַדְמָתְךָ֖ לְטוֹבָ֑ה כִּ֣י ׀ יָשׁ֣וּב

22

יְהוָ֗ה לָשׂ֤וּשׂ עָלֶ֙יךָ֙ לְט֔וֹב

23

כַּאֲשֶׁר־ שָׂ֖שׂ עַל־ אֲבֹתֶֽיךָ ׃

24
Deut 30:10

כִּ֣י תִשְׁמַ֗ע בְּקוֹל֙ יְהוָ֣ה

25

אֱלֹהֶ֔יךָ לִשְׁמֹ֤ר מִצְוֺתָיו֙

26

וְחֻקֹּתָ֔יו הַכְּתוּבָ֕ה בְּסֵ֥פֶר

27

הַתּוֹרָ֖ה הַזֶּ֑ה כִּ֤י תָשׁוּב֙ אֶל־

Facsimile

OCR courtesy of Masoretica.

Credits