Leningrad Codex TEI (v1.1.0)

Folio 202B (verso)

1 Kgs 22:48 – 2 Kgs 1:13

Leningrad Codex TEI · v1.1.0 · folio 202B (verso) · 1 Kgs 22:48 – 2 Kgs 1:13

← 203A202A →
Raw TEI XML View Facsimile

Report an issue

Best viewed on larger screens

Column 1

1
1 Kgs 22:481 Kgs 22:49

נִצָּ֥ב מֶֽלֶךְ ׃ יְהוֹשָׁפָ֡ט עשר

2

אֳנִיּ֨וֹת תַּרְשִׁ֜ישׁ לָלֶ֧כֶת

3

אוֹפִ֛ירָה לַזָּהָ֖ב וְלֹ֣א הָלָ֑ךְ כִּֽי־

4

נשברה אֳנִיּ֖וֹת בְּעֶצְי֥וֹן גָּֽבֶר ׃

5
1 Kgs 22:50

אָ֠ז אָמַ֞ר אֲחַזְיָ֤הוּ בֶן־ אַחְאָב֙

6

אֶל־ יְה֣וֹשָׁפָ֔ט יֵלְכ֧וּ עֲבָדַ֛י

7

עִם־ עֲבָדֶ֖יךָ בָּאֳנִיּ֑וֹת וְלֹ֥א

8
1 Kgs 22:51

אָבָ֖ה יְהוֹשָׁפָֽט ׃ וַיִּשְׁכַּ֤ב

9

יְהֽוֹשָׁפָט֙ עִם־ אֲבֹתָ֔יו וַיִּקָּבֵר֙

10

עִם־ אֲבֹתָ֔יו בְּעִ֖יר דָּוִ֣ד אָבִ֑יו

11

וַיִּמְלֹ֛ךְ יְהוֹרָ֥ם בְּנ֖וֹ תַּחְתָּֽיו ׃ס

12
1 Kgs 22:52

אֲחַזְיָ֣הוּ בֶן־ אַחְאָ֗ב

13

מָלַ֤ךְ עַל־ יִשְׂרָאֵל֙ בְּשֹׁ֣מְר֔וֹן

14

בִּשְׁנַת֙ שְׁבַ֣ע עֶשְׂרֵ֔ה

15

לִיהוֹשָׁפָ֖ט מֶ֣לֶךְ יְהוּדָ֑ה

16

וַיִּמְלֹ֥ךְ עַל־ יִשְׂרָאֵ֖ל שְׁנָתָֽיִם ׃

17
1 Kgs 22:53

וַיַּ֥עַשׂ הָרַ֖ע בְּעֵינֵ֣י יְהוָ֑ה

18

וַיֵּ֗לֶךְ בְּדֶ֤רֶךְ אָבִיו֙ וּבְדֶ֣רֶךְ

19

אִמּ֔וֹ וּבְדֶ֙רֶךְ֙ יָרָבְעָ֣ם בֶּן־

20

נְבָ֔ט אֲשֶׁ֥ר הֶחֱטִ֖יא אֶת־

21
1 Kgs 22:54

יִשְׂרָאֵֽל ׃ וַֽיַּעֲבֹד֙ אֶת־ הַבַּ֔עַל

22

וַיִּֽשְׁתַּחֲוֶ֖ה ל֑וֹ וַיַּכְעֵ֗ס אֶת־

23

יְהוָה֙ אֱלֹהֵ֣י יִשְׂרָאֵ֔ל כְּכֹ֥ל

24
2 Kgs 1:1

אֲשֶׁר־ עָשָׂ֖ה אָבִֽיו ׃ וַיִּפְשַׁ֤ע

25

מוֹאָב֙ בְּיִשְׂרָאֵ֔ל אַחֲרֵ֖י מ֥וֹת

26
2 Kgs 1:2

אַחְאָֽב ׃ וַיִּפֹּ֨ל אֲחַזְיָ֜ה בְּעַ֣ד

27

הַשְּׂבָכָ֗ה בַּעֲלִיָּ֛תוֹ אֲשֶׁ֥ר

Column 2

1

בְּשֹׁמְר֖וֹן וַיָּ֑חַל וַיִּשְׁלַ֣ח

2

מַלְאָכִ֗ים וַיֹּ֤אמֶר אֲלֵהֶם֙ לְכ֣וּ

3

דִרְשׁ֗וּ בְּבַ֤עַל זְבוּב֙ אֱלֹהֵ֣י

4

עֶקְר֔וֹן אִם־ אֶחְיֶ֖ה מֵחֳלִ֥י זֶֽה ׃ס

5
2 Kgs 1:3

וּמַלְאַ֣ךְ יְהוָ֗ה דִּבֶּר֙

6

אֶל־ אֵלִיָּ֣ה הַתִּשְׁבִּ֔י ק֣וּם עֲלֵ֔ה

7

לִקְרַ֖את מַלְאֲכֵ֣י מֶֽלֶךְ־ שֹׁמְר֑וֹן

8

וְדַבֵּ֣ר אֲלֵהֶ֔ם הַֽמִבְּלִ֤י אֵין־

9

אֱלֹהִים֙ בְּיִשְׂרָאֵ֔ל אַתֶּם֙

10

הֹֽלְכִ֔ים לִדְרֹ֕שׁ בְּבַ֥עַל זְב֖וּב

11
2 Kgs 1:4

אֱלֹהֵ֥י עֶקְרֽוֹן ׃ וְלָכֵן֙ כֹּֽה־ אָמַ֣ר

12

יְהוָ֔ה הַמִּטָּ֞ה אֲשֶׁר־ עָלִ֥יתָ

13

שָּׁ֛ם לֹֽא־ תֵרֵ֥ד מִמֶּ֖נָּה כִּ֣י מ֣וֹת

14
2 Kgs 1:5

תָּמ֑וּת וַיֵּ֖לֶךְ אֵלִיָּֽה ׃ וַיָּשׁ֥וּבוּ

15

הַמַּלְאָכִ֖ים אֵלָ֑יו וַיֹּ֥אמֶר

16
2 Kgs 1:6

אֲלֵיהֶ֖ם מַה־ זֶּ֥ה שַׁבְתֶּֽם ׃ וַיֹּאמְר֨וּ

17

אֵלָ֜יו אִ֣ישׁ ׀ עָלָ֣ה לִקְרָאתֵ֗נוּ

18

וַיֹּ֣אמֶר אֵלֵינוּ֮ לְכ֣וּ שׁוּבוּ֮ אֶל־

19

הַמֶּ֣לֶךְ אֲשֶׁר־ שָׁלַ֣ח אֶתְכֶם֒

20

וְדִבַּרְתֶּ֣ם אֵלָ֗יו כֹּ֚ה אָמַ֣ר יְהוָ֔ה

21

הַֽמִבְּלִ֤י אֵין־ אֱלֹהִים֙ בְּיִשְׂרָאֵ֔ל

22

אַתָּ֣ה שֹׁלֵ֔חַ לִדְרֹ֕שׁ בְּבַ֥עַל

23

זְב֖וּב אֱלֹהֵ֣י עֶקְר֑וֹן לָ֠כֵן

24

הַמִּטָּ֞ה אֲשֶׁר־ עָלִ֥יתָ שָּׁ֛ם לֹֽא־

25

תֵרֵ֥ד מִמֶּ֖נָּה כִּֽי־ מ֥וֹת תָּמֽוּת ׃

26
2 Kgs 1:7

וַיְדַבֵּ֣ר אֲלֵהֶ֔ם מֶ֚ה מִשְׁפַּ֣ט

27

הָאִ֔ישׁ אֲשֶׁ֥ר עָלָ֖ה לִקְרַאתְכֶ֑ם

Column 3

1

וַיְדַבֵּ֣ר אֲלֵיכֶ֔ם אֶת־ הַדְּבָרִ֖ים

2
2 Kgs 1:8

הָאֵֽלֶּה ׃ וַיֹּאמְר֣וּ אֵלָ֗יו אִ֚ישׁ

3

בַּ֣עַל שֵׂעָ֔ר וְאֵז֥וֹר ע֖וֹר אָז֣וּר

4

בְּמָתְנָ֑יו וַיֹּאמַ֕ר אֵלִיָּ֥ה הַתִּשְׁבִּ֖י

5
2 Kgs 1:9

הֽוּא ׃ וַיִּשְׁלַ֥ח אֵלָ֛יו שַׂר־

6

חֲמִשִּׁ֖ים וַחֲמִשָּׁ֑יו וַיַּ֣עַל אֵלָ֗יו

7

וְהִנֵּה֙ יֹשֵׁב֙ עַל־ רֹ֣אשׁ הָהָ֔ר

8

וַיְדַבֵּ֣ר אֵלָ֔יו אִ֚ישׁ הָֽאֱלֹהִ֔ים

9
2 Kgs 1:10

הַמֶּ֥לֶךְ דִּבֶּ֖ר רֵֽדָה ׃ וַיַּעֲנֶ֣ה

10

אֵלִיָּ֗הוּ וַיְדַבֵּר֮ אֶל־ שַׂ֣ר

11

הַחֲמִשִּׁים֒ וְאִם־ אִ֤ישׁ אֱלֹהִים֙

12

אָ֔נִי תֵּ֤רֶד אֵשׁ֙ מִן־ הַשָּׁמַ֔יִם

13

וְתֹאכַ֥ל אֹתְךָ֖ וְאֶת־ חֲמִשֶּׁ֑יךָ

14

וַתֵּ֤רֶד אֵשׁ֙ מִן־ הַשָּׁמַ֔יִם וַתֹּ֥אכַל

15
2 Kgs 1:11

אֹת֖וֹ וְאֶת־ חֲמִשָּֽׁיו ׃ וַיָּ֜שָׁב

16

וַיִּשְׁלַ֥ח אֵלָ֛יו שַׂר־ חֲמִשִּׁ֥ים

17

אַחֵ֖ר וַחֲמִשָּׁ֑יו וַיַּ֙עַן֙ וַיְדַבֵּ֣ר

18

אֵלָ֔יו אִ֚ישׁ הָאֱלֹהִ֔ים כֹּֽה־

19
2 Kgs 1:12

אָמַ֥ר הַמֶּ֖לֶךְ מְהֵרָ֥ה רֵֽדָה ׃ וַיַּ֣עַן

20

אֵלִיָּה֮ וַיְדַבֵּ֣ר אֲלֵיהֶם֒ אִם־

21

אִ֤ישׁ הֽ͏ָאֱלֹהִים֙ אָ֔נִי תֵּ֤רֶד אֵשׁ֙

22

מִן־ הַשָּׁמַ֔יִם וְתֹאכַ֥ל אֹתְךָ֖

23

וְאֶת־ חֲמִשֶּׁ֑יךָ וַתֵּ֤רֶד אֵשׁ־

24

אֱלֹהִים֙ מִן־ הַשָּׁמַ֔יִם וַתֹּ֥אכַל

25
2 Kgs 1:13

אֹת֖וֹ וְאֶת־ חֲמִשָּֽׁיו ׃ וַיָּ֗שָׁב

26

וַיִּשְׁלַ֛ח שַׂר־ חֲמִשִּׁ֥ים שְׁלִשִׁ֖ים

27

וַחֲמִשָּׁ֑יו וַיַּ֡עַל וַיָּבֹא֩ שַׂר־

Facsimile

OCR courtesy of Masoretica.

Credits