Leningrad Codex TEI (v1.1.0)

Folio 205B (verso)

2 Kgs 5:7 – 2 Kgs 5:26

Leningrad Codex TEI · v1.1.0 · folio 205B (verso) · 2 Kgs 5:7 – 2 Kgs 5:26

← 206A205A →
Raw TEI XML View Facsimile

Report an issue

Best viewed on larger screens

Column 1

1
2 Kgs 5:7

לֶאֱסֹ֥ף אִ֖ישׁ מִצָּֽרַעְתּ֑וֹ כִּ֤י אַךְ־

2

דְּעֽוּ־ נָא֙ וּרְא֔וּ כִּֽי־ מִתְאַנֶּ֥ה

3
2 Kgs 5:8

ה֖וּא לִֽי ׃ וַיְהִ֞י כִּשְׁמֹ֣עַ ׀ אֱלִישָׁ֣ע

4

אִישׁ־ הָאֱלֹהִ֗ים כִּֽי־ קָרַ֤ע מֶֽלֶךְ־

5

יִשְׂרָאֵל֙ אֶת־ בְּגָדָ֔יו וַיִּשְׁלַח֙

6

אֶל־ הַמֶּ֣לֶךְ לֵאמֹ֔ר לָ֥מָּה

7

קָרַ֖עְתָּ בְּגָדֶ֑יךָ יָבֹֽא־ נָ֣א אֵלַ֔י

8

וְיֵדַ֕ע כִּ֛י יֵ֥שׁ נָבִ֖יא בְּיִשְׂרָאֵֽל ׃

9
2 Kgs 5:9

וַיָּבֹ֥א נַעֲמָ֖ן בסוסו וּבְרִכְבּ֑וֹ

10

וַיַּעֲמֹ֥ד פֶּֽתַח־ הַבַּ֖יִת לֶאֱלִישָֽׁע ׃

11
2 Kgs 5:10

וַיִּשְׁלַ֥ח אֵלָ֛יו אֱלִישָׁ֖ע מַלְאָ֣ךְ

12

לֵאמֹ֑ר הָל֗וֹךְ וְרָחַצְתָּ֤ שֶֽׁבַע־

13

פְּעָמִים֙ בַּיַּרְדֵּ֔ן וְיָשֹׁ֧ב בְּשָׂרְךָ֛

14
2 Kgs 5:11

לְךָ֖ וּטְהָֽר ׃ וַיִּקְצֹ֥ף נַעֲמָ֖ן וַיֵּלַ֑ךְ

15

וַיֹּאמֶר֩ הִנֵּ֨ה אָמַ֜רְתִּי אֵלַ֣י ׀

16

יֵצֵ֣א יָצ֗וֹא וְעָמַד֙ וְקָרָא֙

17

בְּשֵׁם־ יְהוָ֣ה אֱלֹהָ֔יו וְהֵנִ֥יף יָד֛וֹ

18

אֶל־ הַמָּק֖וֹם וְאָסַ֥ף הַמְּצֹרָֽע ׃

19
2 Kgs 5:12

הֲלֹ֡א טוֹב֩ אבנה וּפַרְפַּ֜ר

20

נַהֲר֣וֹת דַּמֶּ֗שֶׂק מִכֹּל֙ מֵימֵ֣י

21

יִשְׂרָאֵ֔ל הֲלֹֽא־ אֶרְחַ֥ץ בָּהֶ֖ם

22

וְטָהָ֑רְתִּי וַיִּ֖פֶן וַיֵּ֥לֶךְ בְּחֵמָֽה ׃

23
2 Kgs 5:13

וַיִּגְּשׁ֣וּ עֲבָדָיו֮ וַיְדַבְּר֣וּ אֵלָיו֒

24

וַיֹּאמְר֗וּ אָבִי֙ דָּבָ֣ר גָּד֗וֹל

25

הַנָּבִ֛יא דִּבֶּ֥ר אֵלֶ֖יךָ הֲל֣וֹא

26

תַעֲשֶׂ֑ה וְאַ֛ף כִּֽי־ אָמַ֥ר אֵלֶ֖יךָ

27
2 Kgs 5:14

רְחַ֥ץ וּטְהָֽר ׃ וַיֵּ֗רֶד וַיִּטְבֹּ֤ל

Column 2

1

בַּיַּרְדֵּן֙ שֶׁ֣בַע פְּעָמִ֔ים כִּדְבַ֖ר

2

אִ֣ישׁ הָאֱלֹהִ֑ים וַיָּ֣שָׁב בְּשָׂר֗וֹ

3

כִּבְשַׂ֛ר נַ֥עַר קָטֹ֖ן וַיִּטְהָֽר ׃

4
2 Kgs 5:15

וַיָּשָׁב֩ אֶל־ אִ֨ישׁ הָאֱלֹהִ֜ים

5

ה֣וּא וְכָֽל־ מַחֲנֵ֗הוּ וַיָּבֹא֮ וַיַּעֲמֹ֣ד

6

לְפָנָיו֒ וַיֹּ֗אמֶר הִנֵּה־ נָ֤א יָדַ֙עְתִּי֙

7

כִּ֣י אֵ֤ין אֱלֹהִים֙ בְּכָל־ הָאָ֔רֶץ

8

כִּ֖י אִם־ בְּיִשְׂרָאֵ֑ל וְעַתָּ֛ה קַח־

9

נָ֥א בְרָכָ֖ה מֵאֵ֥ת עַבְדֶּֽךָ ׃

10
2 Kgs 5:16

וַיֹּ֕אמֶר חַי־ יְהוָ֛ה אֲשֶׁר־ עָמַ֥דְתִּי

11

לְפָנָ֖יו אִם־ אֶקָּ֑ח וַיִּפְצַר־ בּ֥וֹ

12
2 Kgs 5:17

לָקַ֖חַת וַיְמָאֵֽן ׃ וַיֹּאמֶר֮ נַעֲמָן֒

13

וָלֹ֕א יֻתַּן־ נָ֣א לְעַבְדְּךָ֔ מַשָּׂ֥א

14

צֶֽמֶד־ פְּרָדִ֖ים אֲדָמָ֑ה כִּ֡י לֽוֹא־

15

יַעֲשֶׂה֩ ע֨וֹד עַבְדְּךָ֜ עֹלָ֤ה וָזֶ֙בַח֙

16

לֵאלֹהִ֣ים אֲחֵרִ֔ים כִּ֖י אִם־

17
2 Kgs 5:18

לַיהוָֽה ׃ לַדָּבָ֣ר הַזֶּ֔ה יִסְלַ֥ח יְהוָ֖ה

18

לְעַבְדֶּ֑ךָ בְּב֣וֹא אֲדֹנִ֣י בֵית־ רִמּוֹן֩

19

לְהִשְׁתַּחֲוֺ֨ת שָׁ֜מָּה וְה֣וּא ׀ נִשְׁעָ֣ן

20

עַל־ יָדִ֗י וְהִֽשְׁתַּחֲוֵ֙יתִי֙ בֵּ֣ית רִמֹּ֔ן

21

בְּהִשְׁתַּחֲוָיָ֙תִי֙ בֵּ֣ית רִמֹּ֔ן יִסְלַח־

22

נא יְהוָ֥ה לְעַבְדְּךָ֖ בַּדָּבָ֥ר הַזֶּֽה ׃

23
2 Kgs 5:19

וַיֹּ֥אמֶר ל֖וֹ לֵ֣ךְ לְשָׁל֑וֹם וַיֵּ֥לֶךְ

24

מֵאִתּ֖וֹ כִּבְרַת־ אָֽרֶץ ׃ס

25
2 Kgs 5:20

וַיֹּ֣אמֶר גֵּיחֲזִ֗י נַעַר֮

26

אֱלִישָׁ֣ע אִישׁ־ הָאֱלֹהִים֒ הִנֵּ֣ה ׀

27

חָשַׂ֣ךְ אֲדֹנִ֗י אֶֽת־ נַעֲמָ֤ן הָֽאֲרַמִּי֙

Column 3

1

הַזֶּ֔ה מִקַּ֥חַת מִיָּד֖וֹ אֵ֣ת אֲשֶׁר־

2

הֵבִ֑יא חַי־ יְהוָה֙ כִּֽי־ אִם־ רַ֣צְתִּי

3

אַחֲרָ֔יו וְלָקַחְתִּ֥י מֵאִתּ֖וֹ מְאֽוּמָה ׃

4
2 Kgs 5:21

וַיִּרְדֹּ֥ף גֵּיחֲזִ֖י אַחֲרֵ֣י נַֽעֲמָ֑ן

5

וַיִּרְאֶ֤ה נַֽעֲמָן֙ רָ֣ץ אַחֲרָ֔יו

6

וַיִּפֹּ֞ל מֵעַ֧ל הַמֶּרְכָּבָ֛ה לִקְרָאת֖וֹ

7
2 Kgs 5:22

וַיֹּ֥אמֶר הֲשָׁלֽוֹם ׃ וַיֹּ֣אמֶר ׀

8

שָׁל֗וֹם אֲדֹנִי֮ שְׁלָחַ֣נִי לֵאמֹר֒

9

הִנֵּ֣ה עַתָּ֡ה זֶ֠ה בָּ֣אוּ אֵלַ֧י שְׁנֵֽי־

10

נְעָרִ֛ים מֵהַ֥ר אֶפְרַ֖יִם מִבְּנֵ֣י

11

הַנְּבִיאִ֑ים תְּנָה־ נָּ֤א לָהֶם֙ כִּכַּר־

12

כֶּ֔סֶף וּשְׁתֵּ֖י חֲלִפ֥וֹת בְּגָדִֽים ׃

13
2 Kgs 5:23

וַיֹּ֣אמֶר נַעֲמָ֔ן הוֹאֵ֖ל קַ֣ח

14

כִּכָּרָ֑יִם וַיִּפְרָץ־ בּ֗וֹ וַיָּצַר֩ כִּכְּרַ֨יִם

15

כֶּ֜סֶף בִּשְׁנֵ֣י חֲרִטִ֗ים וּשְׁתֵּי֙

16

חֲלִפ֣וֹת בְּגָדִ֔ים וַיִּתֵּן֙ אֶל־ שְׁנֵ֣י

17
2 Kgs 5:24

נְעָרָ֔יו וַיִּשְׂא֖וּ לְפָנָֽיו ׃ וַיָּבֹא֙

18

אֶל־ הָעֹ֔פֶל וַיִּקַּ֥ח מִיָּדָ֖ם וַיִּפְקֹ֣ד

19

בַּבָּ֑יִת וַיְשַׁלַּ֥ח אֶת־ הָאֲנָשִׁ֖ים

20
2 Kgs 5:25

וַיֵּלֵֽכוּ ׃ וְהוּא־ בָא֙ וַיַּעֲמֹ֣ד אֶל־

21

אֲדֹנָ֔יו וַיֹּ֤אמֶר אֵלָיו֙ אֱלִישָׁ֔ע

22

מאן גֵּחֲזִ֑י וַיֹּ֕אמֶר לֹֽא־ הָלַ֥ךְ

23
2 Kgs 5:26

עַבְדְּךָ֖ אָ֥נֶה וָאָֽנָה ׃ וַיֹּ֤אמֶר

24

אֵלָיו֙ לֹא־ לִבִּ֣י הָלַ֔ךְ כַּאֲשֶׁ֧ר

25

הָֽפַךְ־ אִ֛ישׁ מֵעַ֥ל מֶרְכַּבְתּ֖וֹ

26

לִקְרָאתֶ֑ךָ הַעֵ֞ת לָקַ֤חַת

27

אֶת־ הַכֶּ֙סֶף֙ וְלָקַ֣חַת בְּגָדִ֔ים

Facsimile

OCR courtesy of Masoretica.

Credits