Leningrad Codex TEI (v1.1.0)

Folio 207A (recto)

2 Kgs 7:8 – 2 Kgs 8:5

Leningrad Codex TEI · v1.1.0 · folio 207A (recto) · 2 Kgs 7:8 – 2 Kgs 8:5

← 207B206B →
Raw TEI XML View Facsimile

Report an issue

Best viewed on larger screens

Column 1

1
2 Kgs 7:8

הַֽמַּחֲנֶ֗ה וַיָּבֹ֜אוּ אֶל־ אֹ֤הֶל אֶחָד֙

2

וַיֹּאכְל֣וּ וַיִּשְׁתּ֔וּ וַיִּשְׂא֣וּ מִשָּׁ֗ם

3

כֶּ֤סֶף וְזָהָב֙ וּבְגָדִ֔ים וַיֵּלְכ֖וּ

4

וַיַּטְמִ֑נוּ וַיָּשֻׁ֗בוּ וַיָּבֹ֙אוּ֙ אֶל־

5

אֹ֣הֶל אַחֵ֔ר וַיִּשְׂא֣וּ מִשָּׁ֔ם

6
2 Kgs 7:9

וַיֵּלְכ֖וּ וַיַּטְמִֽנוּ ׃ וַיֹּאמְרוּ֩ אִ֨ישׁ

7

אֶל־ רֵעֵ֜הוּ לֹֽא־ כֵ֣ן ׀ אֲנַ֣חְנוּ

8

עֹשִׂ֗ים הַיּ֤וֹם הַזֶּה֙ יוֹם־ בְּשֹׂרָ֣ה

9

ה֔וּא וַאֲנַ֣חְנוּ מַחְשִׁ֗ים וְחִכִּ֛ינוּ

10

עַד־ א֥וֹר הַבֹּ֖קֶר וּמְצָאָ֣נוּ עָו֑וֹן

11

וְעַתָּה֙ לְכ֣וּ וְנָבֹ֔אָה וְנַגִּ֖ידָה בֵּ֥ית

12
2 Kgs 7:10

הַמֶּֽלֶךְ ׃ וַיָּבֹ֗אוּ וַֽיִּקְרְאוּ֮ אֶל־

13

שֹׁעֵ֣ר הָעִיר֒ וַיַּגִּ֤ידוּ לָהֶם֙ לֵאמֹ֔ר

14

בָּ֚אנוּ אֶל־ מַחֲנֵ֣ה אֲרָ֔ם וְהִנֵּ֥ה

15

אֵֽין־ שָׁ֛ם אִ֖ישׁ וְק֣וֹל אָדָ֑ם

16

כִּ֣י אִם־ הַסּ֤וּס אָסוּר֙ וְהַחֲמ֣וֹר

17

אָס֔וּר וְאֹהָלִ֖ים כַּאֲשֶׁר־ הֵֽמָּה ׃

18
2 Kgs 7:11

וַיִּקְרָ֖א הַשֹּֽׁעֲרִ֑ים וַיַּגִּ֕ידוּ בֵּ֥ית

19
2 Kgs 7:12

הַמֶּ֖לֶךְ פְּנִֽימָה ׃ וַיָּ֨קָם הַמֶּ֜לֶךְ

20

לַ֗יְלָה וַיֹּ֙אמֶר֙ אֶל־ עֲבָדָ֔יו

21

אַגִּֽידָה־ נָּ֣א לָכֶ֔ם אֵ֛ת אֲשֶׁר־

22

עָ֥שׂוּ לָ֖נוּ אֲרָ֑ם יָדְע֞וּ כִּי־ רְעֵבִ֣ים

23

אֲנַ֗חְנוּ וַיֵּצְא֤וּ מִן־ הַֽמַּחֲנֶה֙

24

לְהֵחָבֵ֤ה בהשדה לֵאמֹ֔ר כִּֽי־

25

יֵצְא֤וּ מִן־ הָעִיר֙ וְנִתְפְּשֵׂ֣ם חַיִּ֔ים

26
2 Kgs 7:13

וְאֶל־ הָעִ֖יר נָבֹֽא ׃ וַיַּעַן֩ אֶחָ֨ד

27

מֵעֲבָדָ֜יו וַיֹּ֗אמֶר וְיִקְחוּ־ נָ֞א

Column 2

1

חֲמִשָּׁ֣ה מִן־ הַסּוּסִים֮ הַֽנִּשְׁאָרִים֮

2

אֲשֶׁ֣ר נִשְׁאֲרוּ־ בָהּ֒ הִנָּ֗ם כְּכָל־

3

ההמון יִשְׂרָאֵל֙ אֲשֶׁ֣ר נִשְׁאֲרוּ־

4

בָ֔הּ הִנָּ֕ם כְּכָל־ הֲמ֥וֹן יִשְׂרָאֵ֖ל

5

אֲשֶׁר־ תָּ֑מּוּ וְנִשְׁלְחָ֖ה וְנִרְאֶֽה ׃

6
2 Kgs 7:14

וַיִּקְח֕וּ שְׁנֵ֖י רֶ֣כֶב סוּסִ֑ים

7

וַיִּשְׁלַ֨ח הַמֶּ֜לֶךְ אַחֲרֵ֧י מַחֲנֵֽה־

8
2 Kgs 7:15

אֲרָ֛ם לֵאמֹ֖ר לְכ֥וּ וּרְאֽוּ ׃ וַיֵּלְכ֣וּ

9

אַחֲרֵיהֶם֮ עַד־ הַיַּרְדֵּן֒ וְהִנֵּ֣ה כָל־

10

הַדֶּ֗רֶךְ מְלֵאָ֤ה בְגָדִים֙ וְכֵלִ֔ים

11

אֲשֶׁר־ הִשְׁלִ֥יכוּ אֲרָ֖ם בהחפזם

12

וַיָּשֻׁ֙בוּ֙ הַמַּלְאָכִ֔ים וַיַּגִּ֖דוּ לַמֶּֽלֶךְ ׃

13
2 Kgs 7:16

וַיֵּצֵ֣א הָעָ֔ם וַיָּבֹ֕זּוּ אֵ֖ת מַחֲנֵ֣ה

14

אֲרָ֑ם וַיְהִ֨י סְאָה־ סֹ֜לֶת בְּשֶׁ֗קֶל

15

וְסָאתַ֧יִם שְׂעֹרִ֛ים בְּשֶׁ֖קֶל

16
2 Kgs 7:17

כִּדְבַ֥ר יְהוָֽה ׃ וְהַמֶּלֶךְ֩ הִפְקִ֨יד

17

אֶת־ הַשָּׁלִ֜ישׁ אֲשֶׁר־ נִשְׁעָ֤ן עַל־

18

יָדוֹ֙ עַל־ הַשַּׁ֔עַר וַיִּרְמְסֻ֧הוּ הָעָ֛ם

19

בַּשַּׁ֖עַר וַיָּמֹ֑ת כַּאֲשֶׁ֤ר דִּבֶּר֙

20

אִ֣ישׁ הָאֱלֹהִ֔ים אֲשֶׁ֣ר דִּבֶּ֔ר

21
2 Kgs 7:18

בְּרֶ֥דֶת הַמֶּ֖לֶךְ אֵלָֽיו ׃ וַיְהִ֗י כְּדַבֵּר֙

22

אִ֣ישׁ הָאֱלֹהִ֔ים אֶל־ הַמֶּ֖לֶךְ

23

לֵאמֹ֑ר סָאתַ֨יִם שְׂעֹרִ֜ים

24

בְּשֶׁ֗קֶל וּֽסְאָה־ סֹ֙לֶת֙ בְּשֶׁ֔קֶל

25

יִהְיֶה֙ כָּעֵ֣ת מָחָ֔ר בְּשַׁ֖עַר

26
2 Kgs 7:19

שֹׁמְרֽוֹן ׃ וַיַּ֨עַן הַשָּׁלִ֜ישׁ אֶת־

27

אִ֣ישׁ הָאֱלֹהִים֮ וַיֹּאמַר֒ וְהִנֵּ֣ה

Column 3

1

יְהוָ֗ה עֹשֶׂ֤ה אֲרֻבּוֹת֙ בַּשָּׁמַ֔יִם

2

הֲיִהְיֶ֖ה כַּדָּבָ֣ר הַזֶּ֑ה וַיֹּ֗אמֶר הִנְּךָ֤

3

רֹאֶה֙ בְּעֵינֶ֔יךָ וּמִשָּׁ֖ם לֹ֥א

4
2 Kgs 7:20

תֹאכֵֽל ׃ וַיְהִי־ ל֖וֹ כֵּ֑ן וַיִּרְמְס֨וּ

5

אֹת֥וֹ הָעָ֛ם בַּשַּׁ֖עַר וַיָּמֹֽת ׃ס

6
2 Kgs 8:1

וֶאֱלִישָׁ֡ע דִּבֶּ֣ר אֶל־

7

הָאִשָּׁה֩ אֲשֶׁר־ הֶחֱיָ֨ה אֶת־ בְּנָ֜הּ

8

לֵאמֹ֗ר ק֤וּמִי וּלְכִי֙ אתי וּבֵיתֵ֔ךְ

9

וְג֖וּרִי בַּאֲשֶׁ֣ר תָּג֑וּרִי כִּֽי־ קָרָ֤א

10

יְהוָה֙ לָֽרָעָ֔ב וְגַם־ בָּ֥א אֶל־

11
2 Kgs 8:2

הָאָ֖רֶץ שֶׁ֥בַע שָׁנִֽים ׃ וַתָּ֙קָם֙

12

הָֽאִשָּׁ֔ה וַתַּ֕עַשׂ כִּדְבַ֖ר אִ֣ישׁ

13

הָאֱלֹהִ֑ים וַתֵּ֤לֶךְ הִיא֙ וּבֵיתָ֔הּ

14

וַתָּ֥גָר בְּאֶֽרֶץ־ פְּלִשְׁתִּ֖ים שֶׁ֥בַע

15
2 Kgs 8:3

שָׁנִֽים ׃ וַיְהִ֗י מִקְצֵה֙ שֶׁ֣בַע

16

שָׁנִ֔ים וַתָּ֥שָׁב הָאִשָּׁ֖ה מֵאֶ֣רֶץ

17

פְּלִשְׁתִּ֑ים וַתֵּצֵא֙ לִצְעֹ֣ק אֶל־

18

הַמֶּ֔לֶךְ אֶל־ בֵּיתָ֖הּ וְאֶל־ שָׂדָֽהּ ׃

19
2 Kgs 8:4

וְהַמֶּ֗לֶךְ מְדַבֵּר֙ אֶל־ גֵּ֣חֲזִ֔י נַ֥עַר

20

אִישׁ־ הָאֱלֹהִ֖ים לֵאמֹ֑ר סַפְּרָה־

21

נָּ֣א לִ֔י אֵ֥ת כָּל־ הַגְּדֹל֖וֹת אֲשֶׁר־

22
2 Kgs 8:5

עָשָׂ֥ה אֱלִישָֽׁע ׃ וַ֠יְהִי ה֥וּא

23

מְסַפֵּ֣ר לַמֶּלֶךְ֮ אֵ֣ת אֲשֶׁר־

24

הֶחֱיָ֣ה אֶת־ הַמֵּת֒ וְהִנֵּ֨ה הָאִשָּׁ֜ה

25

אֲשֶׁר־ הֶחֱיָ֤ה אֶת־ בְּנָהּ֙ צֹעֶ֣קֶת

26

אֶל־ הַמֶּ֔לֶךְ עַל־ בֵּיתָ֖הּ וְעַל־

27

שָׂדָ֑הּ וַיֹּ֤אמֶר גֵּֽחֲזִי֙ אֲדֹנִ֣י

Facsimile

OCR courtesy of Masoretica.

Credits